ڕۆژنامەی ڕەوت ژمارە ١١

خوێنەرانی خۆشەویست

لەم ژمارەیەی ڕەوتدا -ژمارە یانزە- لەسەر چەوسانەوەی ژنان، پەیوەندی بە خەباتی سۆشیالیستی و دیدارمان لەگەڵ هەلسوڕاوە مەیدانیەکان، لەسەر تاوانی ئەنفال و هەڵەبجەو کیمیاباران لە گەڵ سێ لە تێکۆشەرە کۆڵنەدەرەوە قاڵبوەکانی نێو ئازارو بەرەنگاری دا بۆ ڕەوت دەدوێن، لەسەر هەلومەرجی سیاسی عێراق ودادگای فیدراڵی و کێشمەکێشی هێزە نێوخۆیی و دەرەکیەکان، لە دۆزی شەنگال و مەترسی هەڵگیرسانی شەڕ ولەسەر کێشە نێوخۆییەکانی کوردستان ،سەرکوتی سیاسی و زیندانی کراوانی رۆژنامەنوسان ، لەسەر یادی ١٥٠ ساڵەی کۆمۆنارەکانی پاریس و یادی ٣٠ ساڵەی شوراکان و هاوڕێێانی گیانەبەختکردووی سوشیالیزمی بزوتنەوەی کۆمۆنستی. لەگەڵ بانیژەی کلتوورو ئەدەب، بە کورتە چیرۆک و بە یادێک لە چاپلن و بە شیعر وبە ئاسۆی دامەزراندنی هونەری سۆشیالیستی ئەم ژمارەیەتان دەخەینە بەردەست.. بەئومێدی ئەوەی کە لەگەڵ پێشوازی ئێوەدا بەرەوڕوو بین .