بەبۆنەی کۆچی دوایی كرێکاری خەباتکار و سوشیالیست شێخ قادر

زۆر بەداخ و پەژارەوەین کرێکاری خەباتکار و سۆشیالیستی ناسراوی شاری سلێمانی بەڕیز، عبدالقادرعبدالڵە مارف، ناسراو بە  شێخ قادر، بە هۆی نەخۆشیەوە، رۆژێ ٢٨ مارس ٢٠٢١، بۆ دواجار بەجێیهێشتین. 

هاوڕی شێخ قادر کرێکاری کارگەی چیمەنتۆی سلێمانی و خەباتکارێكی ماندوونەناسی سۆشیالیست بوو. ئەو هەر لە سەرەتای لاۆیەوە و دواتریش لە ساڵەکانی ‌هەشتاکانی سەدەی ڕابردووەوە،  و لە ژێر سایەی سەرکوت و کۆشتوبڕی ڕژیمی بەعسی فاشیست، بەردوام بووە تا دوا رۆژانی ژیانی لە بەرگری لە مافەکانی کرێکاران و زەحمەتکێشان و ستەملێکراوان، و بە  هۆی ئەم خەباتەیەوە چەندین جار سزادراوە و زیندانی کراوە.

هاوڕی  شێخ قادر کرێکارێکی خەباتکاری خۆشەویست و دڵسۆز بوو، و رێز وخۆشەویستیەکی تایبەتی هەبوو لە ناو ڕیکخراو و گروپ و خەباتکارە  کۆمۆنیست و سۆشیالیستەکانی کوردستاندا بە درێژایی هەموو ئەو مێژووە.  گیان لەدەستدانی ئەو خەسارەتێکی بەرچاوە لە ڕیزەکانی خەباتی کرێکاری و یەکسانخوازی و ئازادیخوازی لە کوردستاندا.  

لە ناخەوە سەرەخۆشی خۆمان ڕادەگەیەنین بۆ خانەوادەکەی و هاوڕانی و دۆستانی، وە هاوبەشی خەم و پەژارەی هەموانین.

دەستەی بەڕێوەبەری ڕۆژنامەی ڕەوت

٣١-٣-٢٠٢١