منظمة البديل الشيوعي في العراق تنظيم شيوعي عمالي منهجه الفكري والسياسي ماركسي مستنبط من “البيان الشيوعي”
موئەیەد ئەحمەد
لە سەرەتای دامەزراندنی ڕێکخراوی بەدیلی کۆمۆنیستی لە عێراق لە ٢٥ی تەمووزی ٢٠١٨، بە ڕاگەیاندنی بەیاننامەی دامەزرێنەری خۆی، و بەڕیخستنی خەباتێکی ماندوو نەناسانە و تێپەڕاندنی ئەو ئاستەنگە جۆراوجۆرانەی کە ڕووبەڕووی بووەوە، ئەم ڕێکخراوە توانیویەتی بە خۆڕاگرییەوە بەردەوام بێت و ئاڵای مارکسیزمی شۆڕشگێر و کۆمۆنیزمی ئەنترناسیۆنالیستی، بە هەموو بوێری و ڵیبڕاویەکەوە بەرزبکاتەوە، و ڕێگەی خەباتکارانەی خۆی لەسەر ئاستی عێراق بگرێتەبەر بەمەبەستی گەیشتن بە ئامانجە سیاسی و کۆمەڵایەتی و سۆشیالیستی و ئەنتەرناسیۆنالیستەکانی کە لەم بەیاننامەیەدا دەربڕاوە.
پێگەی ڕێکخراوی بەدیلی کۆمۆنیستی پتەوبووە و بەردەوامە لە پەیوەندی بە خەباتی جەماوەری کرێکاران و زەحمەتکێشان و ژنانی چەوساوە و گەنجانی ئازادیخواز و ئامانجەکانی ئەو جەماوەرە بۆ ئازادی و یەکسانی و خۆشگوزەرانی. هەر ئەمەش وایکردوە کە ڕێکخراوەکە بە سیمای ئەم جەمسەرە چینایەتییە کۆمەڵایەتییە، و دینامیزمی سیاسی و فیکری و ڕێکخراوەییەکانی، تایبەتمەند بێت. هەروەها، پابەندبوونی بە تیۆری و میتۆدی مارکسیستی و بەکارهێنانی ڕاستەوخۆی لە خەباتەکەیدا، بەتایبەتی لە وەڵامدانەوەی بە كێشە و پرسەکانی خەباتی چینایەتی لە عێراق و قۆناغەکانی ڕەوەندی مارشی خەباتکارانەی جەماوەری زەحمەتکێش و هەژاران و چەوساوەکان، و لە بواری شێوەکاری ڕێکخراوەیی کۆمۆنیستدا، وایکردووە کە وەک فەسیلێکی کۆمۆنیستی ئەنترناسیوۆنالیستی و هێڵێکی مارکسیستی شۆڕشگێڕانەی رؤشن لەناو ئەم جەمسەرە کۆمەڵایەتییەدا پێناسە بکڕیت، و هەر بەمپێیەش ئەمڕۆ زیاتر ئامادەیە بۆ بەجێگەیاندنی ئەرکەکانی.
ئەمڕۆ سیستەمی سەرمایەداری ئیمپریالیستی جیهانی، لەناویشیدا سیستەمی سەرمایەداری لە عێراق و ڕۆژهەڵاتی ناوەڕاستدا، دەرگیری چەندین قەیرانی ئابووری و سیاسیـیە، و هەژاری و بێکاری و تێکڕمانی خزمەتگوزاریـیە گشتیـیەکان ژیانی زۆربەی جەماوەریان کردووە بە دۆزەخ، و لە هەمانکاتیشدا فاشیزم، و ڕەوتە سیاسیـیە نیوفاشیست و ناسیۆنالیست و ئایـنیـیەکان، و حزبەکانیان، لە بەهێزبووندان و بە خێرایی گەشە دەکەن. ئەمەش لە کاتێکدایە کە ڕادەی ڕۆچونی ئایدۆلۆژیای بۆرژوازی بۆ ناو زۆنگاوی کۆنەپەرستیی هەموو قۆناغەکانی پێشووی خۆی تێپەڕاندوە.
هاوکات لەگەڵ ئەوانەدا، و وەک بەشێک لە پەیوەندیـیە ئابووریـیەکانی سەرمایە و هەڵکشانی کێبڕکێی نێوان سەرمایەی نەتەوەیی وڵاتانی جۆراوجۆر و بلۆکە ئابووریـیە جیهانی و ناوچەیـیەکانی، ململانێ جیۆپۆلەتیکیـیەکانی ناو ئەم سیستەمە ئابووری و نێودەوڵەتیـیە هەرچی توندوتێژتر دەبێتەوە. ئەو شەڕانەی کە دەرئەنجامی ئەم ململانێـیانەن بوونەتە هەڕەشە بۆسەر مرۆڤایەتی، و خودی سیستەمی سەرمایەداری بۆ دەیان ساڵە بووەتە هۆکاری یەکەمی کارەساتی ژینگەیی وێرانکەر کە مەترسی داناوە لەسەر ژیان لەسەر ڕووی هەسارەی زەوی. شەڕی جینۆسایدی ئیسرائیل لە دژی فەلەستینییەکان لە کەرتی غەززە و کۆمەڵکوژییە بەردەوامەکانی کەرتی ڕۆژئاوا، شەڕی ناوخۆ لە سودان و شەڕی ئۆکرانیا، دەرکەوتنی کارەساتبارانەی ئەم ململانێ جیۆپۆلەتیکی و جیۆئابوورییانەن.
لە نێو ئەم هەلومەرجانەدا، خەبات بۆ ئەنجامدانی بەدیلی ئابووری سۆسیالیستی لەبەرامبەر کۆنترۆڵی سەرمایە و سیستەمی سەرمایەداری، و گرتنەبەری سیاسەت و ستراتیژی شۆڕشگێڕانە لەسەر بنەمای چینایەتی سەربەخۆ و وەڕیخستنی خەباتی سیاسی دژی دەوڵەت و ڕژێمەکان و بزووتنەوە سیاسییەکان لەسەر ئەمە بنەمایە، لە مەسەلە هەرە گرنگەکانن. ئەمەش دیارە بەبێ ئەوەی کە ئەم خەباتە ڕابکێشرێتە ناو سەرڵیشیواوی پۆپۆلیزم و دیماگۆگی بۆرژوازی و تیۆرییە جۆراوجۆرەکانی ڕیفۆرمخوازان، وئایدیۆلۆژی ناسیۆنالیستی و ئایینی بۆرژوازی کۆنەپەرستانە، بەثیچەوانەوە بە جەختکردن لەسەر پابەندبوون بە ڕوانگەی مارکسیستی ماتریالیستی لە مامەڵەکردن لەگەڵ سیاسەت و بیر و ململانێی کۆمەڵایەتیدا. ئەمانە ئەو شتانەن کە پێویستن بۆ گەشەسەندنی بزووتنەوەی کرێکاری و سۆسیالیستی هاوچەرخ لە وڵاتانی جۆربەجۆری جیهان، لەوانەش عێراق، ویەکێکە لە تایبەتمەندییەکانی ئەو هێڵەی کە ڕێکخراوی بەدیلی کۆمۆنیستی نوێنەرایەتی دەکات.
گرتنەبەری ستراتیژی یەکخستنی خەباتی جەماوەری چینی کرێکار و زەحمەتکێشان و ژنان و گەنجانی ستەملێکراو لە سەرانسەری عێراق، و لەسەر بنەمای بەرژەوەندییە چینایەتییە هاوبەشەکانیان، لە بزووتنەوەیەکی سیاسیی جەماوەری شۆڕشگێڕانەی دژ بە سەرمایە ونۆینەرە سیاسییە ناسیۆنالیستی و ئیسلامی و تائیفییەکانی، وڕژێمە گەندەڵ و پشک پشکپشکێنەکانی، مەرجی پێویستە بۆ سەرکەوتنی ئەم هەوڵە شۆڕشگێڕانەیانە و یەکێکە لەو تایبەتمەندیانەی کە هێڵی مارکسیستی ڕێکخراوی بەدیلی کۆمۆنیستی جیا دەکاتەوە لە کۆمەڵێک حزب و ڕێکخراو کە ئیدیعای کۆمۆنیزم دەکەن بەڵام لە نێو سیاسەتی ناسیۆنالیستی و تائیفی بۆرژوازیدا قەتیس ماون.
هەروەها پیادەکردنی شێوە و میتۆدی کار و ڕێکخستنی کۆمۆنیستی، کە نامون بەوانەی بانگەشەی مارکسیزم و کۆمۆنیزم دەکەن بەقسە، یەکێک لە ئەرکەکان و چەلێنجەکان بۆ ڕێکخراوی بەدیلی کۆمۆنیستی پێکدەهێنێت بۆ بنیاتنانی پارتێکی سیاسی کۆمۆنیستی جەماوەری کە پابەندی بەرژەوەندی جەماوەری کرێکاران و زەحمەتکێشان و خەباتی ڕزگاریخوازانەیان ىێت.
بەردەوامبوونی ڕژێمی سیاسی گەندەڵی ناسیۆنالیستی و ئیسلامی پشکپشکێنە و میلیشیایی لە وڵاتدا، و سەرکوتکردنی سیستماتیکی جەماوەر و خەباتەکانیان و تاڵانکردنی سامانی وڵات و ڕۆڵی ئەم ڕژێمە لە قوربانیدان بە بەرژەوەندییە بنەڕەتیەکانی کۆمەڵگا لە بەرژەوەندیی وڵاتانی ئیمپریالیست و جەمسەرە ناوچەییەکان، بە تایبەت ئێران و ئەمریکا، سەرچاوەیەکی سەرەکی ناڕەزایی و توڕەیی جەماوەر پێکدەهێنن. خەباتی گەنجان و جەماوەری ڕزگاریخواز بۆ هێنانەدی ئاڵوگۆڕی شۆڕشگێڕانە لە سیستەمی حکومدا، مەیدانێکی گرنگ بۆ خەباتی ڕەوتی مارکسیستی و بزووتنەوەی کۆمۆنیستی پێکدەهێنن لە پێناو سەرکەوتنی ئەو خەباتانەی جەماوەر، و بۆ ئەوەی نەهێڵێ لەبارببرین لەلایەن پارتە ئۆپۆزسیۆنە بۆرژوازییەکان و بزووتنەوە نیمچە چاکسازیخوازەکان کە بە گیانی ملکەچبوون بۆ سیستەمی ناسیۆنالیستی و ئیسلامی بۆرژوازی گۆژکراون.
ئەمە، و بەهێزکردنی خەباتی ڕزگاریخوازانەی ژنان یەکێک لە گرنگترین نیشانەکان پێکدەهێنێت کە خەباتی ڕەوتی مارکسیستی و هێڵی ڕێکخراوی بەدیلی کۆمۆنیستی لە هەموو پارتە بۆرژوازییەکان جیا دەکاتەوە، هەروەها لە بەشێکی گەورەی چەپ. هەروەها خەبات بۆ ڕزگاربوون لە تاڵانی و گەندەڵی و سەپاندنی خزمەتگوزارییە کۆمەڵایەتی و تەندروستی و پەروەردەییە گشتیەکان یەکێکە لە مەیدانەکانی خەباتی ڕاستەوخۆ و بنەڕەتی بۆ ڕێکخراوی بەدیلی کۆمۆنیستی.
ێکخراوی بەدیلی کۆمۆنیستی لەم سەردەمەدا، لە ناو ئەو هەلومەرجانەدا وە وەک بەشیک لە هەوڵەکانی پرۆلیتاریای سۆسیالیست لە عێراق و ناوچەکەدا بۆ فەراهەمهێنانی گۆڕانکاری شۆڕشگێڕانە و سۆسیالیستی، هاتۆتە ناو جەرگەی خەباتەوە. هەر هێزوتوانا وەرگرتنەوەیەکی بزووتنەوەی کۆمۆنیستی لە عێراق، و هەر پێشکەوتنێک کە لەوانەیە لە پێگەی خەباتی ڕێکخراوی بەدیلی کۆمۆنیستی لە عێراقدا ڕووبدات واتە لە وڵاتێکدا کە بۆ دەیان ساڵە بووەتە ناوەندی چڕبوونەوەی جیهانی و ناوچەیی ململانێی جیۆپۆلەتیکی، بە ناچاری کاریگەری خۆی لە سەرانسەری ناوچەکەدا بەجێدەهێڵێت بۆ بەهێزکردنی بزووتنەوەی کۆمۆنیستی لەوێ.
ئێمە لێبڕاوانە درێژە بەم خەباتە دەدەین، و لە شەشهەمین ساڵیادی دامەزراندنی ڕێکخراوی بەدیلی کۆمۆنیستی، پیرۆزبایی دڵسۆزانەمان ئاراستەی چینی کرێکار و جەماوەری زەحمەتکێش لە عێراق و بزووتنەوەی کرێکاری و چالاکەوانی کۆمۆنیست و سەرجەم ڕزگاریخوازان و یەکسانی خوازان ئەکەین لە هەر شۆێنیکی جیهان. هەروەها گەرمترین پیرۆزبایی ئاراستەی سەرجەم هاوڕیان و دۆستان و لایەنگرانی ڕێکخراو دەکەین.
ئەمە و داوا لە هەموو کۆمۆنیستەکان، پرۆلیتاریا سۆسیالیستەکان، جەماوەری کرێکاران و زەحمەتکێشان، هەموو ستەملێکراو و ئازادیخوازان دەکەین، کە خەباتیان لەناو ڕیزێکی حزبی ڕێکخراودا ڕێکخەن بەرەو بەدیهێنانی ئەرکە گەورەکانی بەردەممان.
٢٤ی تەمموزی ٢٠٢٤
