یەکگرتوویی ئیسلامی و براندی  کۆیلایەتی باڵاپۆشی ژنان 

شەشەمین وەجبەی بەڕێکردنی ژنان  بەرەو کۆیلایەتی  لەژێرناوی ” شەشەمین فیستفاڵی تاجی زێرین” لە هەلەبجە لەرۆژی ١٢.٠٢.٢٠٢١ بە بەشداری ١٣٥٧ کەس  بەڕێوەچوو.

بەڵی  خۆ نواندنێکی شێوە سەربازی بە  ڕەنگی زەیتونی و جل وبەرگ ورێکخستنی ریزەکان وهۆڵ و مەراسیمەکەوە دیار بوو. کەڕنەڤاڵێک هەموو بیرەوەرییە کانی سەردەمی بەعسمان لە هەستی درۆینانەی شاعیرو و زرنگانەوەی بەتاڵی ووشەی  پێدا هەڵگوتن بە جەنگاوەرانی ئیسلامدا دەهێنایەوە یاد. داڕشتنی سیاسی ئەم  نەریتە دینی-ئایدیۆلۆژی-یە داگیرکردنی فەزای بیرکردنەوەونانەوەی داوی ڕامکردنی  ئاگایی و شۆردنەوەی مێشک وئامادەکردنە بۆ خۆبەدەستەوەدانی فکری وجەستەیی.

سەربازیکردنی ئەم مۆدیلە، پەرچەمدار بە باڵاپۆشی وچونییەکیەکی سیما وجوڵەکان، ئامانجی یەکگرتووی ئیسلامی وەک بەرهەمهێنانەوەی ئەم براندە- ئیخوان- ئەردۆگانی یە  دەپێکێ ودەیکات  بە ستایلێک لە تابوری جەنگ  کە چەند سالێکە لە تورکیا برەوێکی گرنگی  پەیدا کردووە.

هەلبژاردنی  ڕەگەزی مێ  وبەکارهێنانیان بۆ هەژمونی سیاسی و چەکێکی ڕاگەیاندن، ئاوێتەکردنی  تەواوی مەسجەکان ( ئایدیۆلۆژی- دینی، باڵاپۆشی وەک پراکسیسی ئیسلامی سیاسی-  لەشکرەکانی خوا، وەک جهیادی نەرم- کۆنترۆڵی ژنان و پیاوسالاری وشەرەف  وەک براندی دڵخوازی  کۆمەڵایەتی )، بۆ گەورەکردنی ترس  ودەنگدانەوەی میدیای داعشیانەی هەیە، بەڵام بە چاندنی ” مەرگی شێنەیی” لە ناوەوەی خێزانەکاندا بە لەسەر نانی  ” تاجی زێرینەوە”.

ڕۆژنامەی ڕەوت

12.2.2021