دادگای تێهەڵچوونەوە، پەسندکردنی دەستدرێژیەکانی دەسەڵات بۆسەر ماف و ئازادیەکان

سەرەنجام دادگای پیاچوونەوەی هەرێم لە (٦-٥-٢٠٢١) ئەو بڕیارەی پەسەندکرد کە دادگای تاوانەکانی هەولێر-٢ لە (١٦-٢-٢٠٢١)دا بڕیاری شەش ساڵ زیندانی دەرکردبوو بۆ گیراوەکانی دەڤەری بادینان، (شێروان شێروانی، گۆهدار زێباری، شڤان سەعید، ئەیاز کەرەم‌ و هاریوان عیسا).

چ گرتنەکەیان و چ دادگاییەکەیان و چ ئەوەی ئێستاش کە پەسەندکردنی بڕیارەکەیە لەلایەن دادگای تێهەڵچوونەوە، سەراپای ملهوڕیەکی سیاسی و نا یاساییە و لە خەڵکی ئازادیخوازی کوردستان شاراوە نیە.

ئەم سەرکوتگەریە نەک هێرش و پەلاماردانی هەر دەنگێکی ناڕازیە بەمەبەستی خامۆشڕاگرتنی ناڕەزایەتیە جەماوەریەکان و بەرگرتن بە تەقینەوە و پەرەسەندنی، بەڵکو کێشکردنی حزبە هاوبەشەکانی (پارتی)شە لەناو حکومەتی هەرێمدا کە (گۆڕان) و (یەکیەتی)ن بۆ پەیڕەوکردنێکی ئاشکراو بێپەردەی ستڕاتیژی سەرکوت و خەفەقان و نەفەس لێبڕینی جەماوەری زەحمەکێش و ئازادیخواز بۆ دابینکردنی ئارامی و ئاسایشی دەسەڵاتەکەیان لە هەرێمەکەدا.

ئەمە بەشێکی جیانەکراوەی پێداویستیەکانی کەڵەکەی سەرمایە و تاڵانی و بڕۆی سامانی گشتی هەرێمەکە و پەرەسەندی سەرمایەداری و سەقامگیرکردنی دەسەڵاتی بورژوا ناسیونالیستی کوردە لە کوردستاندا.

ئەم سەرکوتگەریە دەرحەق بە ڕۆژنامەنوسان و چالاکوانان، بەشێکە لە پڕۆسەی داسەپاندنی بێمافیەکی بەرفراوانتر، بێکاری و هەژارییەکی زۆرتر بەسەر خەڵکی زەحمەتکێشی کوردستاندا لە کرێکاران و فەرمانبەران و مامۆستایان و ژنان و لاوان و خوێندکارانی کچ و کوڕ.

هەر لەم ڕاستیانەشەوە پێویستە ئازادیخوازان و خەڵکی زەحمەتکێشی کوردستان ڕیزەکانی خۆیان یەکگرتوو و ڕێکخراو بکەن بۆ بەرپەرچدانەوەی ستڕاتیژ و هێرشی پلانبۆداڕێژراوی دەسەڵات و پاشەکشەپێکردن و دەستکۆتاکردنی دەستدرێژیەکانی بۆسەر ماف و ئازادیەکانیان.

ڕۆژنامەی ڕەوت هەر لەو کاتەدا کە بە توندی سەرکۆنەی ئەم سەرکوتگەریە دەکات، بانگەوازی جەماوەری کوردستانیش دەکات کە مل نەدن بەم پێشیلکاریانەی ئازادی ڕادەربڕین و خۆپیشاندان، تا بەخەباتی یەکگرتوومان بڕیاری داداگا هەڵوەشینینەوە و گیراوەکان ئازاد بکرێن.

ڕۆژنامەی ڕەوت

٧-٥-٢٠٢١‌

عن Albadeel Alsheoi

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

x

‎قد يُعجبك أيضاً

بەرەو گەشەکردنی بزووتنەوەیەکی ڕزگاریخوازی بەتوانای ژنان، هاوکاتی بزووتنەوەی کرێکاری ڕوو لە هەڵکشان لە عێراقدا.

بەبۆنەی هەشتی مارسەوە: ئەمساڵ لە بارودۆخێکدا پێشوازی لە (٨)ی مارس، ڕۆژی جیهانی ژنان دەکەین، کە ...

ڕێگری لە خۆپێشاندان و گەمارۆدانی بارەگای حزبی شیوعی کوردستان لە هەولێر بە توندی مەحکوم دەکەین

بەپێی ڕاگەیاندنەکانی (حزبی شیوعی کوردستان)، بەرپرسانی ئەمنی و ئیداری شاری هەولێر مۆڵەتیان نەداوە بە (کۆمیتەی ...

بڕیارنامە لەسەر پێشهاتەکانی ڕۆژهەڵاتی ناوەڕاست، لە پەیوەند بە شەڕێکی کۆمەڵکوژی کە ئیسرائیل لە غەززە بەڕێیخستووە

شەڕی جینۆساید دژی دانیشتوانی غەززە پێی ناوەتە (١٠٨)ەمین ڕۆژی خۆیەوە، لە دووشەممە (٢٢)ی ژانویەی (٢٠٢٤)، ...

سەرکۆنەی موشەکبارانی سوپای پاسداران ئەکەین بۆسەر هەولێر

شەوی دوو شەممە (١٥)ی کانوونی دووەمی (٢٠٢٤)، سوپای پاسدارانی جمهوری ئیسلامی ئێران، بە نۆ موشەکی ...

خۆپێشاندان و مانگرتنی نانەواخانەکانی هەولێر، بەرایی دۆخێکی تر لە کێشمەکێشی کۆمەڵایەتی

خۆپیشاندانی ڕۆژی (٨-١-٢٠٢٤)، گرتن و سەرکوتی ئەو ناڕەزایەتیـیە و مانگرتنی ڕۆژی دواتر (٩-١-٢٠٢٤)ی (٦١٠) نانەواخانە ...