منظمة البديل الشيوعي في العراق تنظيم شيوعي عمالي منهجه الفكري والسياسي ماركسي مستنبط من “البيان الشيوعي”
راگەیاندنی ڕێکخراوی بەدیلی کۆمۆنیستی لە عیراق
بەپێی ڕاگەیاندنی حزبی کۆمۆنیست کرێکاری ئێران/ حیکمەتیست، شەوی یەکشەمممە ١٢/٤/٢٠٢٦ لە نزیک شوێنی نیشتەجێبونی لەئەمەریکا هاوڕێ “عەلی جەوادی” ئەندامی کۆمیتەی ناوەندی ئەم حزبە و یەکێک لەڕابەرانی کمۆنیست و کەسایەتی ناسراوی بزوتنەوەی کۆمۆنیستی لەئێران، لەهەوڵێکی تیرۆرکردنیدا لەڕێگای چاودێریکردنی و لێدان بەئۆتۆمبیلەوە بریندار بووە و هێرشبەرەکان هەڵاتوون. خۆشبەختانە برینەکانی سەخت نین ومەترسی لەسەر ژیانی نیە. تیمەکانی لێکۆڵینەوە وبەدواداچوون بۆ ڕوداوەکە یەکسەرە دەستیان پێکردووە، بەلام تا ئێستا هیچ روونکردنەوەیەکیان نەداوە.
بەپێی هەمان ڕاگەیاندن، هاوڕێ عەلی جەوادی چەندین جار لەلایەن کۆماری ئیسلامی ولایەنە ڕاستڕەو وفاشیستەکانی نیو بۆرژوا ئۆپۆزسیۆنی ئێرانەوە هەڕەشەی لێکراوە.
لەکاتێکدا کۆماری ئیسلامی لەئێراندا، سەرکوتی خوێناوی چ بەتیرۆر و چ بەسێدارە لەناوخۆی ئیراندا قەتڵوعامی هەزارنی کردووە، و بەدرۆن بۆ سەر ئۆپۆزسیۆنەکانی پەلامارێکی بێوێنەشی دەستپێکردووە، ودەیان کوژراو برینداری مەدەنی لێکەوتۆتەوە، بەهەمان جۆر لایەنە ڕاست وفاشیستەکان کە بەدەسەڵات گەیشتنیان بەستۆتەوە بە بۆمب وکوشتارە وماڵوێرانیەکانی ئەمەریکا وئیسڕائیلەوە بۆ سەر ئێران، هێرش و پەلامارەکانیان توند کردۆتەوە لەبەرامبەر بەرەی دژە شەڕ وبەتایبەت کۆمۆنیستەکان.
ئێمە لە رێکخراوی بەیلی کۆمۆنیستی کە لە ٦ هەفتەی ڕابرددودا بەڕەوڕوی تاوانی تێرۆرکردنی هاۆڕیی ئازیزی ڕابەریمان، یەنار محەمەد، بووینەوە و خەسارەتیكی گەورە لە خۆمان و سەرجەم بزوتنەوەی کۆمۆنیستی و ڕزگاری خوازانەی ژنان کەوت، بەو پەڕی پەیگیریەوە هاوپشتی خۆمان ڕادەگەیەنین بۆ هاوڕێیانی حزبی کۆمۆنیستی کرێکاری – حکمەتسیت و سەرجەم بزوتنەوەی کۆمۆنیستی و ئازادیخوازی لە ئێران و ناوچەکە بۆ ڕووبەڕوبوونەەوی تیڕۆریستانی سەر بە ئیسلامی سیاسی و فاشیستەکانی نیو ئۆپۆزسیۆنی بورژوازی ئێران.
بەهێزکردنی ڕیزی خەباتی ئازادیخوازانە وەڵام و ئەرکی ئەم بزوتنەوەیەیە بەرامبەر هیزەکانی کۆنەپەرستی و سەرجەم تێڕۆریستان.
ئێمە ئەم هەوڵە تیرۆریستیە بۆ سەرگیانی هاوڕی عەلی جەوادی بە توندی ڕیسوا و سەرکۆنە دەکەین و هیوای سەلامەتی بۆ ئەخوازین. وە داوا لە هێزە سۆشیالیست وئازادیخوازەکان دەکەین بەهەر جۆرێک بووە ڕێگا نەدەن ئەم هەوڵانە بێوەڵام بمێنیتەوە.
١٦ /٤/٢٠٢٦
