شەش ساڵ حوکمی زیندانی و دادگای پیاچونەوەی هەرێم

نەواد بابان

ئە‌گە‌ر دادگا سەربەخۆ بوایە و یاسای مەدەنی سە‌روە‌ر بوایە‌ ‌لە‌م ھە‌رێمە‌‌دا،  ئێستا دە‌بوایە‌ ئێوەی سەرانی دەسەڵاتداری ئەم هەرێمە هەمووتان لە‌ زیندان بونایە‌، نەک ڕۆژنامەنوس و چالاکوان و خەڵکانێک کە بۆ داوای موچە و قوتی مناڵەکانیان ویستویانە ناڕەزایەتی بنوێنن و خۆپێشاندان بکەن و شەش ساڵ زیندانیتان بەسەرا سەپاندون.

ئەم دەسەڵاتە هەر بە فەرهودکردنی سەروەت و سامانی ئەم کۆمەڵگەوە نەوەستاوەتەوە،‌ بەڵکو موچە و قوتی فە‌رمانبە‌ر و خە‌ڵكی زە‌حمە‌ت كێشی ئە‌م هەرێمەشی بە‌تاڵان برد و دزی.

 لەژێر سایەیدا ھە‌زاران گە‌نج و لاوی ئەم وڵاتە ڕوویان لە هەندەران کرد و تیاچون و خنكان، ژنکوشتن بۆتە دیاردەیەک و کوردستانی کردۆتە قەبرەستانێکی گەورە.

لەچاو وڵاتانی تری دنیادا ئەم دەسەڵاتە تاقمێکی مافیایی زۆردڕندەیە و لە‌وێنەیان نیە‌ لە‌نێو جە‌نگە‌ڵستانی سیستە‌می سە‌رمایە‌داریدا.

ئە‌و ڕۆژە‌ گوزە‌شت وابە‌ئاسانی بتوانرێ نە‌زیر عومە‌رە‌كان، سە‌ردە‌شتە‌كان و كاوە‌گە‌رمیانە‌كان … تیرۆر بکرێن، بۆیە دەسەڵات بە ناوی یاسا و دادگاوە هاتۆتەمەیدان بۆ ترۆری شەخسیەتی ڕۆژنامەنوسان و چالاکوانانی دەڤەری بادینان و هەڵبەستنی تۆمەتی پەیوەندیان بە وڵاتانەوە، ئەمە لە کاتێکدایە کە جێبەجێکردنی پلان و سیاسەتی وڵاتانی دەوروبەر بەشێکە لە مێژووی ئەم دەسەڵاتە.

دڵنیابن نە مە‌لە‌فی تاوانەکانی ترۆر و نە ئەم مەلەفی زیندانی کردنانە قە‌ت ون نابن ڕۆژێك دێت كە بەرپرسانی ئەم تاوانانە‌ لە ‌قە‌فە‌سی دادگای جەماوەریدا خۆیان دەبینە‌وە‌، وە‌ك بە‌ندە‌رە‌كان و صدام و علی مجیدە‌كان باجی تاوانە‌كانیان دە‌دە‌نە‌وە‌.

دەبێ ئەوەمان لەبەرچاو بێت كە ‌ھە‌وڵێكی لە‌مێژینەی د‌ە‌سە‌ڵات ملھوڕیکردنەیەتی بۆ نە‌ھێشتنی ھە‌ر دە‌نگێكی ئازاد، پەسەندکردنی حوکمی شەش ساڵ زیندانی چالاکوانانی دەڤەری بادینانیش لە لایەن دادگای تێهەڵچونەوەی هەرێم بەشێکە لەو سیاسەتە، بۆیە‌ دە‌بێ ئازادیخوازان بەڕێزێکی یەکگرتوو لە‌ دژی بوە‌ستینە‌وە،‌ ڕێگە‌نە‌دە‌ین وا بە‌ئاسانی تێ پە‌ڕێت.

٩-٥-٢٠٢١

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

ژنکوژی وخۆکوشتن و توندوتیژی – تا کەی!

شیرین عەبدوڵا ماوەیەکە لە کەناڵەکانی ڕاگەیاندن و سۆشیال میدیاکانەوە هەواڵی زیاد بونی ڕێژەی دیاردەی ژن ...

سەما، گڕی ئازادی دەربڕین و نواندنی موسیقایی جەستەیە

 ئەوەی فورسەتی  بەم توانا سەرکوتکارییەی لایەنە ئیسلامیەکان لە دژی هونەری یەکسانیخوازی و ئازادیخوازی بە خشیوە، ...

لە یادی (کۆمۆنەی پاریس)دا

موئەیەد ئەحمەد ئەمڕۆ (١٨-٣-٢٠٢١)، سەد وپەنجا ساڵ بەسەر بەرپاکردنی کۆمۆنەی پاریسدا تێئەپەرێ. پێشوازی فراوان و ...

شەنگال لەناو بەرداشی کێشمەکێشێکی جیۆ-سیاسیدا

چاوپێکەوتن لەگەڵ عەبدوڵا ساڵح ڕەوت: هاوڕێ عەبدوڵا سالح سوپاس کە بۆ ڕۆژنامەی ڕەوت کاتت گونجاند تا ...

مەسەلەی ژنان، ئازادی و سۆشیالیزم

نادر عەبدولحەمید بەراوردێک سەرهەڵدانی سەرمایەداری و پوکانەوەی پەیوەندیە کۆمەڵایەتیەکانی دەرەبەگایەتی وەک پڕۆسەیەکی هێواش و ئارام ...

%d مدونون معجبون بهذه: