بەبۆنەی مەرگی ناوەختی هاوڕێی خۆشەویست مامۆستا عەزیز

پەتای کوڕۆنا، کەسایەتییەکی میهرەبان، ئارام و پڕ لە ئینسانییەتی لێ سەندین. سێ شەممە (٢٤-٨-٢٠٢١) مامۆستا عەزیز، (عەزیز محمەد عەبدوڵا) بۆ دوواجار چاوەکانی لێکنا و خەمێکی قووڵ و گەورەی خستە دڵمانەوە.

ئەو هەر لە هەشتاکانەوە خەباتکارێکی ماندوونەناسی دژ بە ئیستیبداد و تاوانەکانی ڕژێمی بەعس بوو. لە سەرەتای نەوەتەکانیشدا هەڵسوڕاوی شۆراکان و لە دامەزرێنەرانی (بنکەی شوراکانی عەربەت) بوو. هەروەها هەڵسوڕاوێکی ڕێکخراوی (یەکێتی بێکاران لە کوردستان) و لە دامەزرێنەرانی لقی دەربەندیخانی ئەو ڕێکخراوە کرێکارییە بوو. ئەو لەناو کۆڕ و کۆمەڵ و حزب و ڕێکخراوەکانی بزوتنەوەی کۆمۆنیستیدا درێژەی بە خەباتی خۆیداوە تا ژیانی پەنابەری و گەیشتنی بە ئەڵمانیا.

دوای گەڕانەوەشی بۆ کوردستان، ڕووخسارێکی هەمیشە ئامادەی خۆپێشاندان و ناڕەزایەتییەکانی کوردستانی عێڕاق بووە، بەتایبەت وەک مامۆستایەکی زانکۆ هەمیشە لەناو ناڕەزایەتییەکانی مامۆستایان و خوێندکاراندا ڕۆڵی بەرچاوی هەبووە لە ڕێکخستن و وەڕێخستنیاندا.

لەم ساڵانەی دوواییشدا خاوەن پڕۆژەی کاری هەرەوەزی جەماوەرییانە بوو، وە لێبڕاوانە خەباتی دەکرد بۆ یەکگرتووکردن و بەرجەستەکردنەوەی ئیرادەی ئەو جەماوەرە زەحمەتکێشە لە ڕێکخراوە هەروەزییەکاندا.

سەراپا ژیانی (مامۆستا عەزیز) ڕەنگدانەوەی هیوایەکی بەهێز و ئیرادەیەکی پۆڵایین بوو بۆ خەبات لەپێناو یەکسانی و ئازادی و دنیایەکی باشتردا.

بەبۆنەی مەرگی هاوڕێمان (مامۆستا عەزیز)ەوە پرسە و سەرەخۆشی خۆمان ئاڕاستەی ئەندامانی خانەوادەکەی، هاوڕێیان و دۆستانی دەکەین و بەشداری خەم و پەژارەیانین.

یادی (مامۆستا عەزیز) بەرز و بەڕێزە و هەر بەزیندوویی دەمێنێتەوە

دەستەی بەڕێوەبەری ڕۆژنامەی ڕەوت

٢٥-٨-٢٠٢١

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

بەبۆنەی یەکی ئایارەوە ڕێکخراوبوون ئامڕازی یەکلاکەرەوەی خەباتی چینی کرێکارە

دوای چەند ڕۆژێکی تر پێشوازی دەکەین لە یەکی ئایار، ڕۆژی ھاوپشتی نێونەتەوەیی چینی کرێکار. چینێک ...

سەرکوت و هێرش بەدژی هاوڕەگەزخوازان سەرکۆنە دەکەین

کەمپینێکی دواکەوتوانە و کۆنەپەرستانە لەلایەن بەرەی کۆنەپارێزی کۆمەڵگا و بەبەشداری ڕەوتە ئیسلامیەکان و حزبە ناسیونالیستە ...

بەبۆنەی کۆچی دوایی كرێکاری خەباتکار و سوشیالیست شێخ قادر

زۆر بەداخ و پەژارەوەین کرێکاری خەباتکار و سۆشیالیستی ناسراوی شاری سلێمانی بەڕیز، عبدالقادرعبدالڵە مارف، ناسراو ...

ڕاگەیاندن: سەبارەت بە خۆپێشاندانەکەی الشامیە

ڕۆژی یەکشەممە، (٢١-٣-٢٠٢١)، خۆپیشاندانێکی جەماوەری فراوان لە قەزای الشامیە هاوکات لەگەڵ خۆپیشاندانەکانی قەزای عەفەک و ...

کۆتاییهێنان بە ڕژێمی بۆرژوا ئیسلامی و قەومی لە عێڕاق، هەنگاوێکی بنەڕەتیە ڕووەو ڕزگاری ژنان

لە کاتێکا لەمساڵدا پێشوازی لە ھەشتی مارس، ڕۆژی جیھانی خەباتی ژنان دەکەین، کە زیاتر لە ...

%d مدونون معجبون بهذه: