هێرشی دڕندانەی جمهوری ئیسلامی ئێران بۆ سەر خەڵکی سڤیل و بنکەکانی حزبە ئۆپۆزسیۆنەکانی ئێران مەحکومە

لە دوانزەهەمین ڕۆژی ڕاپەڕینی جەماوەری شۆڕشگێڕ و ئازادیخواز لە ئێران، وە لە ڕۆژێکیشدا کە جەماوەرێکی بەرفراوان لە شاری سلێمانی لە ئامادەسازیدا بوون بۆ کۆبوونەوەیەکی پشتیوانی لەو ڕاپەڕینە، دوێنێ چوار شەممە (٢٨-٩-٢٠٢٢) هێزەکانی جمهوری ئیسلامی، بە موشەکی دوورهاوێژ و فڕۆکەی بێ فڕۆکەوان (درۆنز)، کەوتنە بۆردومانکردنی ئۆردوگا و بارەگای حزب و ڕێکخراوەکانی ئۆپۆزیسیۆنی ئێرانی لە دەوروبەری هەولێر و سلێمانی، وەک لە ئامارەکانیشدا هاتووە هەڤدە کەس کوژراو و زیاتر لە چل برینداری لێکەوتۆتەوە، لەناو قوربانیەکاندا مناڵان و ژنانی دووگیانیش تیایە، ئەمە جگە لە زیانی مادی و خوڵقاندنی کەشێکی پڕ لە ترس و نا ئارامی لەو ناوچانەدا.

ڕژێمی سەرکوتگەر و ئیستیبدادی بورژوا ئیسلامی لە ئێران، کە ژنان و جەماوەری شۆڕشگێڕی زەحمەتکێش و ئازادیخواز ڕاپەڕیوون بۆ هەڵپێچان و لە گۆڕنانی، ئەم تاوانەشی کردە سەرباری تاوانەکانی چەند ڕۆژی ڕابردووی لە کوشتاری دەیان خەڵکی ڕاپەڕیوو و ڕەشبگیری و ئەشکەنجەدانیان.

ئەم ڕژێمە کۆنەپەرستە، لە ڕێگەی ئەم تاوانەوە، ئەیەوێت خرۆشان وهەڵچوونی  جەماوەر کەمڕەنگ بکاتەوە لە ڕێگەی وەرچەرخاندنی ڕووی کۆمەڵگە و سەرنجی جیهان، بەلای دوژمنێکی دەرەکی سەر سنورەکان، و هەروەها ڕیسوایی و بێ توانایی خۆشی پەردەپۆش بکات لە گیرخواردنی بەدەست ڕاپەڕینێکەوە کە خەریکە چۆکی پێدائەدا.

جەماوەری ئازادیخواز و زەحمەتکێش لە سەراسەری عێڕاق و هەرێمی کوردستان ، کە چەندین جار ڕاپەڕینیان  ئەنجامداوە و لە خەباتێکی بەردوامدان دژ بە دەسەڵاتی بورژوا قەومی و ئیسلامی،  هەم لە بەغدا و هەم لە هەولێر، ئەم جەماوەرە هاوخەبات و هاوچارەنوسی جەماوەری ڕاپەڕیوو و شۆڕشگێڕی سەراسەری ئێرانن  بۆ کۆتاییهێنان بە دەسەڵاتی کۆنەپەرستانەی ئیسلامی سیاسی لە ڕۆژهەڵاتی ناوەڕاست .

(ڕێکخراوی بەدیلی کۆمۆنیستی) ئەم تاوانە ترۆرە دەوڵەتییەی جمهوری ئیسلامی ئێران بە توندی مەحکوم دەکات، هەروەها حکومەتی مەرکەزی و حکومەتی هەرێم بە بەرپرس دادەنێت لە پاراستنی ئاسایش و گیانی ئەندامان و هەڵسوڕاوانی سەر بەو حزب و ڕێکخراوانەی پەنابەر لە هەرێمی کوردستانی عێڕاق.

ڕێکخراوی بەدیلی کۆمۆنیستی لە عێڕاق

٢٩-٩-٢٠٢٢

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

پەیامی هاوسۆزی لەگەڵ کەس وکاری گیانبەختکردوانی کارەساتی تەقینەوەی گازی لەشاری سلیمانی ڕۆژی پێنج شەممە ١٧.١١.٢٠٢٢

 لە ناخی دڵەوە هاوبەشی و هاوخەمی ئەم کۆستە گەورەیەتانین کە دڵ و ویژدانی هەموومانی هەژاند.  ...

مانگرتن لەکار، گرنگترین شێوازی کاریگەری سەرکەوتنی خەباتی ئابووری چینی کرێکار

ئامادە کردنی: جەمال کۆشش دەورەیەکی تری چڕ بوونەوەی سەرمایە، هەڵئاوسان و گرانی، شەپۆلێکی تری ناڕەزایەتی ...

ئایا  هیچ  لایەنێک لە دواڕۆژی نەوەی دوای هەزارەکان خۆی بە بەرپرس دەزانێت؟

جەمال کۆشش کۆڵانە تەسک و خانووە تەواونەکراوەکانی گەرەکە هەژارنشینەکانی شارەکان، كچ و کوڕە تازە پێگەیشتووەکانی ...

دەسخەڕۆیی ئۆپۆزیسیۆن لە درێژکردنەوەی تەمەنی پەرلەماندا

(ئایندە پەیوەستە بە ئاسۆی سۆشیالیستی و هاتنەمەیدانی چینی کرێکارەوە) نادر عەبدولحەمید ڕۆژی (٦-١١-٢٠٢٢)، دوایین ڕۆژی ...

کوژرانی مەهسا ئەمینی وێستگەیەکی سەرەکییە لە کۆتاییهاتنی ڕژێمی مەلاکان لە ئێراندا

بڵاوکراوەی (ژنانی ڕاپەڕین- نساء الانتفاضة) لە عەرەبییەوە بۆکوردی: شیرین عەبدوڵڵا بۆ پێنجەمین ڕۆژی لەسەریەک، ڕاپەڕینی ...

%d مدونون معجبون بهذه: