منظمة البديل الشيوعي في العراق تنظيم شيوعي عمالي منهجه الفكري والسياسي ماركسي مستنبط من “البيان الشيوعي”
کرێکاران و چەوساوانی جیهان یەکگرن!
پیرۆزبێت (١)ی ئـایـار، جەژنی جیھانی کرێکاران و چەوساوانی جیھان، ڕۆژی گەشەپێدان و ھاوبەشی چینی کرێکاران بۆ ھێنانەدی ماف و ژیانی باشتر…
شۆفێران، کرێکاران
ئەگەر لە گۆشە نیگایی چینایەتی سەیری کۆمەڵگەی کوردستان بکەین، کوردستان بەدەر نیـیە لە قەیران و کێشە چینایەتیـیەکان کە گیرۆدەی دەسەڵاتێکی چەوسێنەر و گەندەڵ کە کۆمەڵگای کوردستانی بەرەو دابەش بوونی چینایەتی دەبات، کە ئەمەش خەڵک زیاتر ھەژار و بێکار و برسی دەکات، وە کۆمەڵگا جارێکی تر دەگەرێتەوە بۆ دواوە و خەڵک ڕاپێچی کۆنە پارێزی چەوسانەوە دەکات.
لەو چوارچێوەیەدا بە گشتی شۆفێرانیش بە دەرنین لەو کێشە چینایەتیـیانەی کە ڕووبەڕوویان دەبێتەوە، وەکو ماف و گرانبوونی نرخی سوتەمەنی و نەبوونی بیمەی کۆمەڵایەتی و نەبوونی سەلامەتی کار و وە نەبوونی سەلامەتی ژیانیش، ھەروەھا خراپی ڕێگاوبان، کە بۆتە ھۆکاری ڕۆژانەی کارەساتی جۆراوچۆر کە بە گیانی شۆفێران و ھاوڵاتیانی بەشمەینەت کۆتایی دێت، ئەمە بێجگە لە زەرەر و زیانی مادی.
بەھۆی ئەو باردۆخەوە کە دەسەڵات خوڵقاندوویەتی، سەندیکایەکی ڕاستگۆ و دڵسۆزمان نیـیە، کە بەرگری لە شۆفێران بکات، ئەو سەندیکایانەی کە ھەن ھەمووی لە دژی ماف و بەرژەوەندی شۆفێراندان و بۆ ڕاگرتنی و بەرگری کردنە لە دەسەڵات، ھەر بۆیە ئێمە وەکو (ڕێکخراوی شۆفێرانی تەکسی) خۆمان بە بەرگری کاری سەرسەختی شۆفێرانی بەشمەینەت و زەحمەتکێش دەزانین، لە بەدیھێنانی ماف و داواکاریەکانی شۆفێران بە گشتی، کە ئەمانەی خوارەوەن:
- ھەرزان کردنی نرخی بەنزین بۆ (٤٥٠) دینار بۆ ھەر لیترێک، وەک شارەکانی باشوور و ناوەراستی عێراق.
- دابین کردنی بیمەی کۆمەڵایەتی بۆ ھەموو شۆفێران بەبێ جیاوازی.
- برینەوەی مووچە بۆ شۆفێرانی بە ساڵاچوو کە توانای کاری شۆفێریان نەماوە.
- بە ھەموو شێوەیەک یاسایی زۆرە ملێی بەرامبەر شۆفێران ڕەت دەکەینەوە، وەک “بڕیاری لۆگۆ” کە ئەمەش باج و قورسایی ژیان دەخاتە سەرشانی شۆفێرانی زەحمەتکیش، بۆیە داواکارین بە زووترین کات، حکومەت ئەم بریارە ھەڵبوەشێنێتەوە و پێویستە حکومەت بە ڕاوێژ لەگەڵ شۆفێران، یاسایی ڕێکخستنی کاری تەکسی بۆ شۆفێران دەربکات.
- نۆژنکردنەوەی ڕێگاوبانەکان، بۆ ئەوەی کارەساتی دڵتەزێن و رووداوی ھاتووچۆ کەم بکرێتەوە.
شۆفێرانی زەحمەتکێش …
ئێمە وەک “ڕێکخراوی شۆفێرانی تەکسی” تەئکید لە جێبەجێ کردنی ئەم خاڵانەی سەرەوە دەکەینەوە و تێکۆشانی لەپێناودا دەکەین، و داواکارین لە شۆفێران و ھاوڵاتیانی بەشمەینەت کە ھاوکار و پشتیوانمان بن لە بەدی ھێنانیاندا.
بــەرزو پیرۆزبێت (١)ی ئـــایــار
ڕۆژی ھاتنە مەیدانی کرێکاران و چەوساوان لەجیھاندا.
تێکۆشان بۆ ھێنانەدی نان، کار، ئازادی، زامنی ھێنانەدی کۆمەڵگایەکی خۆشگوزەرانی یەکسانە.
ڕێکخراوی شۆفێرانی تەکسی
پێنچ شەمە؛ ١-٥-٢٠٢٥
