منظمة البديل الشيوعي في العراق تنظيم شيوعي عمالي منهجه الفكري والسياسي ماركسي مستنبط من “البيان الشيوعي”
دووبارە حکومەتی عێراق بەرپرسیار دەکەینەوە لە ئاشکراکردنی ناسنامەی تاوانباران و ئەوانەی لە پشت تیرۆرکردنی ڕابەری تێکۆشەر (ینار محەمەد)ـەوە بوون
دەمانەوێ بۆ ڕای گشتی لە عێراق و لەسەر ئاستی جیهان ڕایگەیەنین، کە حکومەتی عێراق تا ئێستا هەڵنەستاوە بە ئەنجامدانی بەرپرسیارێتی خۆی لە ئاشکراکردنی تێوەگلاوانی تاوانی تیرۆرکردنی هاوڕێ و ڕابەری هاوکارمان (یەنار محەمەد)، سەرۆکی ڕێکخراوی ئازادی ژن لە عێراق و ئەندامی کۆمیتەی ناوەندی ڕێکخراوی بەدیلی کۆمۆنیستی لە عێراق، کە لە بەیانی ڕۆژی دووی ئازار/مارسی ئەمساڵ لە ماڵەکەی خۆی لە بەغداد بە دەستی تیرۆریستانی تاوانبار تیرۆر کرا.
ئێمە توڕەیی و ناڕەزایەتی توندی خۆمان دەردەبڕین بەرامبەر بە خاوەخاوی و کەمتەرخەمی لە گرتنەبەری ڕێکارەکانی لێکۆڵینەوە و ڕانەگەیاندنی هیچ پێشکەوتنێک لە پرۆسەی ئەم لێکۆڵینەوەیەدا.
زیاتر لە سێ هەفتە بەسەر ئەم کارە تاوانکارییەدا تێپەڕیووە و تا ئێستا هیچ ئەنجامێک ڕانەگەیەندراوە، ئەمەش بەڵگەیەکی ڕوونە لەسەر ئەوەی دەسەڵاتە فەرمییەکان خۆیان دەدزنەوە لەم بەرپرسیارەتییە و چاوپۆشی دەکەن لە ئەنجامی لێکۆڵینەوەکان و ئاشکراکردنی تاوانباران.
بۆیە، دووپاتی دەکەینەوە و پێدادەگرینەوە لەسەر ئەوەی کە حکومەتی عێراق و دەزگا پەیوەندیدارەکانی بەرپرسیارن لە ئاشکراکردنی و ردەکارییەکانی ئەم تاوانە و ڕاگەیاندنی ئەنجامەکانی بۆ کۆمەڵگە. ئێمە بێدەنگ نابین و وازناهنین لە داواکارییەکانمان بۆ ئاشکراکردنی تاوانباران و ئەوانەی لە پشتیانەوەن، وە ڕادەستکردنیان بە دادگا و دادگاییکردنی ئاشکرایان تا دادپەروەری بۆ (یەنار)ـی ئازیز بەدی بێت.
داوا لە هەموو ڕێکخراوەکانی داکۆکیکار لە ماف و ئازادییەکانی ژنان و ئازادییە مەدەنی و یاساییەکان، لە ناوخۆی عێراق و لەسەر ئاستی جیهان، و هەموو ڕێکخراو و حزبە سۆسیالیستە جیهانییەکان، سەندیکا و یەکێتییە کرێکارییە جیهانییەکان و هەموو ئازادیخوازانی جیهان دەکەین، پشتگیری کەمپەینە جیهانییەکەمان بکەن دژ بەم بێدەنگییەی کە دایدەنێین بە کارێکی ئەنقەست و بەرنامەبۆداڕێژراو کە مەبەستی لێی پەردەپۆشکردنی وردەکارییەکانی تاوانەکە و تێوەگلاوانە. هەروەها بۆ فشار خستنە سەر حکومەتی عێراق بۆ وەڵامدانەوەی داواکارییەکانمان لە ئاشکراکردنی تاوانباران و ئەوانەی لە پشتیانەوەن لە زووترین کاتدا.
ڕێکخراوی ئازادی ژن لە عێراق
ڕێکخراوی بەدیلی کۆمۆنیستی لە عێراق
٢٤ی ئازار / مارسی ٢٠٢٦
