نامەی هاوخەمی

• 
• – بۆ خانەوادەی بەڕێز (عوسمان گرد عازەبانی) باوکی گیانبەختکردوو ڕۆژنامەنووس سەردەشت عوسمان
• – بۆ هاوڕێـیان  بەکر عوسمان و بەشدار عوسمان و تەواوی خێزانە بەڕێزەکەتان
• – بۆ ئازادیخوازان و نوسەرانی بەهەڵوێست

بەداخ و پەژارەیەکی زۆرەوە هەواڵی گیان لەدەستدانی باوکی بەڕێزتانمان پێ گەیشت، و لە ناخی دڵمانەوە پرسە و سەرەخۆشی خۆمانتان پێ ڕادەگەێنین.

بەڕێز مام عوسمان، نمونەی ئینسانێکی بەئیرادە و خۆڕاگر، باوکێکی بەهەڵوێست و بەویقار بوو، لەبەرامبەر خەمی لەدەستدانی کوڕەکەی و فشاری دەسەڵاتداراندا وەکو شاخ وەستایەوە.

ئەو سیمای خۆشەویستی تەواوی کۆمەڵگای کوردستان بوو، چونکە لە بەرامبەر سوڵحی عەشایەری و پارە و دەسەڵات، داوای ئاشکراکردنی تاوانباران و دادگایی و بەسزاگەیاندنی تیرۆریستانی ڕۆژنامەنوسان و (سەردەشت)ی دەکرد، بەداخەوە بەو ئاواتەی  نەگەیشت، بەڵام ئامانجە پیرۆزەکانی و یادەوەریـیەکانی هەمیشە بە زیندوویی لەگەڵماندایە و بەشێکە لە خەباتمان.

دوبارە هاوبەشی خەمتانین و هیواداری ئارامی و خۆڕاگریتانین.

ڕێکخراوی بەدیلی کۆمۆنیستی لە عێڕاق

٩ی نۆڤێمبەری ٢٠٢٦