لە یادی هاورێیانی گیان بەختکردوو لە ١٤ تەموزدا بە تێروری ‌هیزەکانی “یەکیەتی”

لە ڕۆژی (١٤ تەموزی ٢٠٠٠)دا هیزە چەکدارەکانی ” یەکیەتی نیشتمانی کوردستان” تاوانێکی تیرۆریستیان لە ناو شاری سلێـمانیدا ئەنجامدا کە بووە هۆی گیان لە دەست دانی پێنج هاوڕیی خەباتکار لە پیناوی سۆشیالیزم و ئازادی و یەکسانی ئینسانەکاندا کە ئەندامانی (حزبی کۆمۆنیستی کرێکاری عێراق) بوون.
بە گۆیرەی پلانێکی پێشتر داڕێژراو لەلایەن سەرکردایەتی “یەکیەتی”وە، پاش گەمارۆ دانی بنکەی ئەو حزبە و گرتنی دەیان لە کادر و ئەندامانی، سەر لە ئێوارەی ١٤ تەموز هاوڕێیان (عەبدول باست موحسن، محەمەد موستەفا (کەریم) و ئیبراهیم موحمەد (هاوکار)، هاوڕی لەتیف) کەوتنە بەر گولـلەبارانی کەمینێکی هێزەکانی “یەکیەتی” لەناو جەرگەی شاردا و گیانیان لە دەست دا، لە هەمانکاتیشدا بە گولـلەی قەناسی هەمان ئەو هیزە هاوڕێ (ئومێد نکبیین) گیانی لە دەست دا.
هەندی لە ‌هاوڕێیانی ئێمە، (ڕیکخراوی بەدیلی کۆمۆنیستی)، کە پێشتر ئەندام و کادر و ڕابەری ئەو حزبە بووین، لەناو گەرمەی هەموو ئەو ڕوودا و ڕووبەڕووبوونەوانەدا بووین و کەوتینە بەردەم ئەو هێرش و پەلامارە تیرۆریستییەی “یەکیەتی”. هەروەها هەندێکیشمان لە دەروەی ووڵات لە کەمپێنی دژی “یەکیەتی”دا لێبڕاونە ڕووبەرووی نوینەران و ئیۆفیسەکانیان بوینەوە.
ئەم تاوانەی “یەکیەتی” لە ناو شارێکدا کە خۆی دەسەڵاتدار و حوکمڕانی بوو تەنها ئەتوانری لە خانەی کردەوەکانی دەوڵەتە فاشییستەکان و هێزە تیرۆریستەکان تۆمار بکرێت لە میژوودا و هیچی تر. لە واقعدا ئەم کارە نە تاکە کاری تیڕۆریستانەی ئەوان بووە و نە کردەوەیکی دەرەوەی سیستمی کاری سیاسی وعەسکەری “یەکیەتی” و‌ هیزە چەکدارەکانی ناسیۆنالیزمی کوردە، بەڵکو بەشیکە لە ستراتیژ و تەکتیکی سیاسیان لە کوردستاندا. ڕەگ و ڕیشە و بناغەی ئەم تاوانانە لە جەوهەری چینایەتی بۆرژوازیانەی بزوتنەوەی ناسێۆنالیزمی کورد و دوژمنایەتی سەرسەختیدایە لە بەرامبەر بزوتنەوەی کریکاری و پرۆلیتاریای سۆشیالیست و هەر بزووتنەوەیکی چەپ و ڕادیکال و ئازادیخوازی ناو کۆمەڵگەی کوردستان.
مێژووی سەرکردەکانی “یەکیەتی” و هێزەکانیان بە سەرکردەی ئەو باڵەشییەوە کە “گۆران” یان پێک هێنا، پڕە لە کوشتوبڕی نەیاران و پڕە لە تاوانکاری شەڕی ناوخۆیی و تیروری کەسانی ڕادیکال و چەپ و کۆمۆنیست. هێزەکانی ناسیۆنالیزمی کورد دەستیان بە خۆێنی سۆشیالیزم و چەپ و ئازادیخوازی سوورە. تاکە ڕێگەی ڕزگاری کۆمەڵگە لە دەستیان کۆتایی هینانە بە دەسەڵاتدارەتیان لە ڕیگەی بەرەو پێشبردنی خەباتی سوشیالیستی و ئینتەرناسیونالیستی چینی کرێکار و خەباتی ئازادیخوازانەی سەرجەم کریکاران و زحمەتكێشان و خەڵکانی ڕزگاریخواز.
یادی ئەم هاوڕێ گیان بەخت کردووانەی رێگەی کۆمونیزم و یەکسانی و ئازادی ئێنسانەکان، هەمیشە بەرز ڕائەگرین و زیندووە لە دڵماندا. وە فاداری و دڵسۆزی بۆیان دریژەدانە بە مارشی خەباتی چینایەتی کرێکاری و کۆمۆنیستی لە پیناو ڕزگاری بەشەریەت لە نیزامی چینایەتی سەرمایەداری.
ڕیكخراوی بەدیلی کۆمۆنیستی لە عێراق
١٤ تەموزی2019