ئازادی بۆ گیراوەکانی بادینان، نا بۆ حوکمی بێ بەڵگە و نادادپەروەرانە

دادگای‌٢ی‌ هه‌ولێر‌، سێشه‌ممه (١٦-٢-٢٠٢١)، سزای‌ شه‌ش ساڵ زیندانی داسەپاند به‌سه‌ر ‌(شێروان شێروانی، گۆهدار زێباری، شڤان سەعید، ئەیاز کەرەم‌ و هاریوان عیسا) لە ‌رۆژنامه‌نوس ‌و چالاكوانانی‌ دەڤەری بادینان.

لە دانیشتنەکانی دادگادا هیچ بەڵگەیەکی یاسایی نەخراوەتەڕوو تا ئەو تۆمەتانە بسەلمێنێت کە دراوەتە پاڵیان، بەڵام دادگا ئەو حوکمە قورسانەشی دەرکردوە.

هەروەک گرتنەکەیان لە (٧-١٠-٢٠٢٠)دا دوور لە هەموو ڕێکارێکی یاسایی بوو، کە هێزێکی دەمامکدار هەڵیکوتاوەتەسەریان و دەستگیری کردوون، و بۆ ماوەی نۆزدە ڕۆژ بێسەروشوێن کراون، بێ ئەوەی ڕێگە بە چاوپێکەوتنی خانەوانەدە و پارێزەرانیان بدرێت، شکەنجەش دراون، وا ئەمڕۆ دوای چوارمانگ و نۆ ڕۆژ ئەو حوکمە قورسانە و بێ بوونی بەڵگە لەسەریان بەتەوای سیاسی بوونی گرتنەکەیان و دادگاییەکەیان دەسەلمێنێت، ئەوەش دەردەخات کە ئەم دامودەزگایە بێلایەن نیە، هیچ پەیوەندیەکی بە دادپەروەریەوە نیە و تەواو حزبیە.

مێژووی دەسەڵاتی حزبی فەرمانڕەوای دەڤەرەکە مێژووی سەرکوت و دەمکوت و ڕەشبگیری و داسەپاندنی بێمافیە بەسەر ئازادیخوازان و خەڵکی زەحمەتکێشدا، وە ئەم سەرکوتگەریەشی لەبەردەوامی ئەو مێژووە ڕەشەدایە، بەڵام لە ئێستادا واوەترە لە ئاکاری حزب و دەسەڵاتێک کە فرچکی گرتووە بە ئیستیبدادی سیاسی.

لە بارودۆخی بێ موچەیی، داسەپاندنی برسیەتی و بێکاریدا کە ناڕەزایەتیەکی بەرفراوانی کۆمەڵاتی هێناوەتەئاراوە و کۆمەڵگەی خستۆتەسەر لێواری تەقینەوە، ئەم ملهوڕیە لە ئێستادا ئەم ڕۆژنامەنوس و چالاکوانانەی کردۆتە قوربانی خۆئامادەکردن بۆ بەرگرتن بەو تەقینەوە و ئەو ڕۆژە ڕەشەی چاوەڕوانی دەکەن.

ئەم شانۆسازیە، هەڕەشەیە لە ئازادیخوازان، لەهەر دەنگێکی ناڕازی و چنگ و ددان گڕکردنەوەیە لە جەماوەری کرێکار و زەحمەتکێش، بۆ بەرگرتن بە خۆپێشاندان و ڕاپەڕێنێک کە دەترسێن ڕایانماڵێت.

ئەم سەرکوتگەری و ملهوڕیە نابێ ڕێگەبدرێت هەروا بەئاسانی تێپەڕێت.

دەستەی بەڕێوەبەری ڕۆژنامەی ڕەوت

١٧-٢-٢٠٢١

عن Albadeel Alsheoi

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

١٤.٧.٢٠٠٠ تیرۆری پێنج تێکۆشەری کۆمۆنیست

کۆچی دوایی کرێکاری کۆمۆنیستی خەباتکار سالار جەبار

بەداخ و پەژارەیەکی زۆرەوە هەواڵی کۆچی دوایی هاوڕێ سالار جەبار، ناسراو بە (سالاری ئاسنگەر)مان پێگەیشت ...

سەبارەت بە کێشەی فەلەستین

لەم بەرنامەیەدا شەماڵ عەلی میوانداری چالاکی سیاسی عەبدوڵا صاڵح‌و ماریا کارگەر ڕۆژنامەنووس و چالاکوانی چەپ ...

ترۆر و کوشتاری حکومەتی ئیسرائیل دەبێ‌ دەستبەجێ بوەستێ، هەموو هاوپشتییەک بۆ جەماوەری ستەملێکراوی فەلەستین

کەنارەی ڕۆژئاوا و کەرتی غەززە لە پێنج ڕۆژی ڕابردوودا ناڕەزایەتییەکی جەماوەریان بەخۆوە بینی، کە هاوکات ...

دادگای تێهەڵچوونەوە، پەسندکردنی دەستدرێژیەکانی دەسەڵات بۆسەر ماف و ئازادیەکان

سەرەنجام دادگای پیاچوونەوەی هەرێم لە (٦-٥-٢٠٢١) ئەو بڕیارەی پەسەندکرد کە دادگای تاوانەکانی هەولێر-٢ لە (١٦-٢-٢٠٢١)دا ...

%d مدونون معجبون بهذه: