خەڵکی ئازادیخواز ئەوروپا بە هانای پەنابەرانەوە بچن..

جەمال کۆشش
 
ڕێکخراوە ئینسانیەکان.. کۆمیونیتیە پەنابەرییەکان لە ئەوروپا
ئەوانەی لەچنگ شەڕ و تەقینەوەکان، لە کابوسی داسەپاندنی سیستەمێکی ستەمکار بە هێزی میلیشیا وتەسفیە وموشەکباران وژەهرخواردن، لەچنگ گەندەڵی وکۆنەپەرستی ،لەچنگ بێئاسۆیی و گیرخواردنی تەمەنیان لە نێو بێهیوایدا بردۆتە سەر ، لە نێوئەو جەنگەڵە ساردەدا بێئیرادە وبەسزمان بونەتە تەقەمەنی جەنگی نێوان بیلاروسیا ویەکێتی ئەوروپا.
ئەو کارەسات و تراژیدیایەی بەسەر ئەو پەنابەرانەدا هاتووە، هەموو دڵێک دەتەزێنێ و هیچ ئینسانێک ناتوانێت تەماشایان بکات و دەست لەسەر چۆک دابنێت. تەنها حکومەتەکانی یەکێتی ئەوروپا ئەم سیاسەتە پڕ قین وتۆڵەیەی پۆلەند ولیتوانیا ئەندامانی یەکێتیەکەیان دەتوانن پشتیوانی بکەن. پشتیوانی لە برسی کردن، زیندانی کردن، شەلاقکاری، دیواری چەمەنتۆ وتەلەبەندی دڕکاوی وبە سەربازی جەنگی بەرپەنابەران بگرن.
ئەو چەند هەزار پەنابەرەی ئێستا کە چەندین دەوڵەتیان خستۆتە دۆخی نائاسایی وهەڕەشەی میدیایی و هات وهاواری درۆینەوە، ناکاتە یەک لەسەدی ئەو وەجبەیەی ٢٠١٥ کە ئەلمانیا وەریگرتن و ئێستا بەشێکن لە کرێکارە هەرە چەوساوەکانی بواری خاوێنکردنەوەو خزمەتگوزاری و چێشتخانەکان و بیناسازی..
یەکێتی ئەوروپا، پێویستە ڕێز لە یاساکانی خۆی بگرێت و جێبەجێیان بکات. سنورەکانی ئەوروپا نابێت وەک قەڵای شەڕ ودوژمن وتەلەبەند ئەسیرومەرگی پەنابەران بێت. سەرزەمینی ئەوروپا پێویستە جێگای شکۆ، ماف وسەروەری یاسا وپەنای ئەو کەسانە بێت کە پێویستیان بە داڵدەدانە. یەکێتی ئەوروپا بەم هەڵوێستە ڕاسیستیەی تەنها و تەنها خزمەت بە حزبە ڕاستڕەو و کۆنەپەرستەکانی نێوخۆ، بە حکومەت و هێزە کۆنەپەرستەکانی وڵاتانی پەنابەران لێهاتوو دەکات. ڕێکخراوە ئینسانیەکان و دانیشتوانی ئەوروپا بەتەواوی لە سیاسەتی پەنابەری وڵاتانی ئەوروپا توڕەن. ئێستا کاتی ئەوەیە دەنگ بەرزکەینەوە و پێش سەفارەتەکانیان بگرین و بەهانای ئەو پەنابەرانەوە بچین و ئازاد و ڕزگاریان بکەین.
ئەو پەنابەرانە یەکجار پێویستیان بە سۆلیدارێتی ئێمە هەیە..
بەڵی بۆ مافی پەنابەری و مانەوەی تەواوی پەنابەران!
 ٨.١١.٢٠٢١

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

بارودۆخی سیاسی کوردستان و ڕێگەچارە

کێشمەکێشی نێوان هەر دوو حزبی بورژوا دەسەڵاتدار لە هەرێمی کوردستاندا، تاوی سەندووە لەسەر چۆنیەتی پێکهێنانی ...

بەیاننامەی ڕێکخراوی بەدیلی کۆمۆنیستی لە عێڕاق: سەبارەت بە قەیرانی ئۆکرانیا و هێرشی سەربازی ڕوسیا

بەدوای پەرەسەندنێکی خێرای قەیرانی ئۆکرانیا لە چەند مانگی ڕابردوودا، هاوڕای پەرەسەندنی کێشمەکێشی نێوان ڕوسیا لە ...

ڕزگاری ژن، یەکێک لە ئەرکە هەرە گرینگەکانی شۆڕشە لە عێڕاقدا

بە بۆنەی ڕۆژی جیهانی ژن ژنان بوونە نێچیر بەدەست ترۆر و سەرکەوتی خوێناوی بێ پەردە ...

سەبارەت بە جیابوونەوەکانی ناو حزبی کۆمۆنیستی ئێران و (کۆمەڵە)

دوای چەند ساڵ کێشمەکێش، جیابوونەوەی دووباڵ لەناو (حزبی کۆمۆنیستی ئێران) و (کۆمەڵە - ڕێکخراوی کوردستان)ی ...

ئەبێ زیندانیانی خۆپیشاندانەکانی (پیرەمەگرون) دەستبەجێ ئازادبکرێن

شەوی سێ شەمە (٤-١-٢٠٢٢) کەناڵە تەلەفزیۆنەکانی سەر بە دەسەڵاتی پارێزگای سلێمانی لە هەرێمی کوردستان، هەژدە ...

%d مدونون معجبون بهذه: