منظمة البديل الشيوعي في العراق تنظيم شيوعي عمالي منهجه الفكري والسياسي ماركسي مستنبط من “البيان الشيوعي”
ماوەی دوو هەفتەیە خۆپيشانداني خوێندكاران لەشارەكاني كوردستان بەردەوامه و حكومەتي هەرێمي كوردستان هەر خەريكي دەستي دەستيه و وەڵامي داواکاریەکانی خوێندكاران ناداتەوه.
بەدرێژايي ئەو ماوەيه، بەچەندين شێوازي سەركوتكردن، به گولەي زيندوو، كێبڵي كارەبایی، لێدان و ڕفاندن و زيندانيكردن و ئەشکەنجەدانی جەستەیی ودەرونی و شاردنەوەي چارەنوسي زيندانيەكان لەكەس و كاريان، هێزەکانی دەسەڵات لە شارەکانی کوردستان خەریکی سەرکوت و کپکردنەوەی ئەم خۆپیشاندانانەی خۆیندکاران وخەلكی ناڕازی بوون.
ئەمڕو لەگەڵ دەورەیەکی تر لە خۆپيشانداني خويندكاراني زانكو و پەيمانگاكان، ديسانەوه دەزگا سەركوتگەرەكان شاڵاوێكي تري گرتن و ئەشكەنجەدانيان دەستداوەتێ.
هاوڕي نەوزاد بابان ( ئەندامي كۆميتەي ناوەندي ڕيكخراوي بەديلی کۆمۆنیستی لە عیراق) کەوتۆتە بەر ئەم شاڵاوی سەرکوتگەریە و دوانیوەرۆی ئەمڕو گیراوە لەگەڵ ژمارەیەک لە خۆیندکاران و کەسانی ئازادیخواز لەلايەن ئاسايشي گشتيەوە لە سلێمانی.
ئێمه بەتوندي سەركۆنەي ئەم كردەوە داپڵۆسێنرانەیەی دەسەڵات و دەزگا سەركوتگەرەكان ئەکەين و ئەبێ ده ستبەجێ تەواوي گيراوەکان ئازادبکرێن.
سەلامەتي و تەندروستی هاوڕي نەوزاد و تەواوي گيراوەکان له بەرپرسیاریەتی دەسەڵاتداراني سليمانی و حکومەتی هەرێمدایە.
سەركەوتوو بێت خەباتي خوێندكاران.
ئازادي بو سەرجەم گيراواني خۆپيشاندانەكاني خو ێندكاران.
