منظمة البديل الشيوعي في العراق تنظيم شيوعي عمالي منهجه الفكري والسياسي ماركسي مستنبط من “البيان الشيوعي”
ڕاگەیاندن
هێزە سەرکوتگەرەکانی سەر بە هەردوو حزبی میلیشیایی فەرمانڕەوا (پارتی و یەکێتی) لە هەرێمی کوردستاندا، هەڵسان بەگرتنی چەند چالاکوانی سیاسی و میدیاکار و پەرلەمانتاری سەربە (نەوەی نوێ)، لە چەند شار و شارۆچکەیەک لەوانە لە دهۆک و هەولێر و سلێمانی، ئەمەش هەم ڕۆژی جومعە (٥-٨-٢٠٢٢) ڕۆژێک بەر لە ڕۆژی دیاریکراوی خۆپێشاندانێک کە سەرۆکی (نەوەی نوێ) بانگەوازی بۆ کردبوو، وە هەم ڕۆژی خۆپێشاندانەکەش شەممە (٦-٨-٢٠٢٢).
بەدەر لە ئامانجی سیاسی پشتی ئەم بانگەوازەی (نەوەی نوێ)، خەڵکی ئەم هەرێمە مافی خۆیانە بێنە مەیدانی ناڕەزایەتی دەربڕین و مانگرتن و خۆپێشاندان و ڕاپەڕن دژی بێمافی، بێکاری و هەژاری، دژی پەراوێزکردنی سیاسی داسەپاو بەسەریاندا.
ئەم دەستدرێژیانەی هێزە سەرکوتگەرەکانی ئەم دوو حزبە بورژوا ناسیونالیستە میلیشیاییە بۆسەر ئازادی سیاسی و مافەکانی هەڵسوڕاوان و میدیاکاران و پەرلەمانتاران، و کاری توندوتیژی دژ بە خۆپێشاندەران و ڕاوەدوونان و گرتنیان جێگەی سەرکۆنەکردنە.
(ڕێکخراوی بەدیلی کۆمۆنیستی لە عێڕاق) وێڕای ئەوەی دەستدرێژی هێزە سەرکوتگەرەکان مەحکوم دەکات، خوازیاری ئازادی دەستبەجێی گیراوەکانە.
ناوەندی ڕاگەیاندن
ڕێکخراوی بەدیلی کۆمۆنیستی لە عێڕاق
٧-٨-٢٠٢٢
