بە توندی سەرکۆنەی هێرشی دڕندانەی ئەمڕۆی هێزە ئەمنیەکانی (یەکێتی) ئەکەین لە سلێمانی

کۆبوونەوەیەکی جەماوەری فراوان، کە بۆ پشتیوانی لە ئازادیخوازانی کوردستان و ئێران، لەبەرامبەر ستەم و چەوساندنەوەدا ڕێکخرابوو، ئەمڕۆ (چوار شەممە ٢٨-٩-٢٠٢٢) لە سلێمانی کەوتە بەر هێرشی سەرکوتگەرانەی هێزەکانی ئەمنی سەر بە دەسەڵاتی (یەکێتی نیشتمانی کوردستان).

هەندێک لە بەشداربووان و چالاکەوانان، لەو کۆبونەوە جەماوەریەدا، دەستگیرکران و هەندێکیشیان بەر کاریگەری گازی فرمێسکڕێژ و فیشەکی پلاستیکی کەوتوون. هەروها هەندێک کامیرای میدیاکارانی کەناڵە تەلەفزیونەکان دەستی بەسەرداگیرا و هێزە ئەمنیەکان ڕێگریـیان کرد کە ڕووماڵی ئەو چالاکیـیە جەماوەریـیە بکرێت.

هاوڕێـیانی (ڕێکخراوی بەدیلی کۆمۆنیستی) کە لەم کۆبونەوە جەماوەریـیەدا بەشدار بوون، وەک هەمووان کەوتوونەتە بەر ئەم هێرشە سەرکوتگەرانەیە.

(ڕێکخراوی بەدیلی کۆمۆنیستی لە عێڕاق) بە توندی سەرکۆنەی ئەم سەرکوتگەریـیەی هێزەکانی (یەکێتی نیشتمانی کوردستان) ئەکات و خوازیاری ئازادکردنی دەست بە جێی گیراوەکانە.

ڕاگەیاندنی مەرکەزی

ڕێکخراوی بەدیلی کۆمۆنیستی لە عێراق

٢٨ -٩-٢٠٢