منظمة البديل الشيوعي في العراق تنظيم شيوعي عمالي منهجه الفكري والسياسي ماركسي مستنبط من “البيان الشيوعي”
ڕاگەیاندنێک لە ڕۆژنامەی (ڕەوت)ەوە
پتر لە دوو مانگ و نیوە ناڕەزایەتی مامۆستایان، فەرمانبەران و خانەنشینان و کرێکاران بەشێوازی جۆراجۆری خەبات بەردەوامە، هەر لە مانگرتن و بایکۆتی وانەووتنەوە، تا گردبوونەوە و بەرپاکردنی خۆپێشاندانی سەراسەری و جەماوەری، تا بردنی خۆپیشاندانەکان بۆ بەغدا و کۆبوونەوە لە گۆڕەپانی ئازادی و دووبارە خۆپیشاندانی ئەمڕۆ لە (٣/١٢/٢٠٢٣)دا.
تا ئێستا دەسەڵات هیچ ئامادەیـیەکی نیشان نەداوە بۆ وەڵامدانەوە بە داواکاریـیەکانیان لە پێدانی موچە و گەڕانەوەی پاشەکەوت و پلەبەرزکردنەوە، و دامەزراندنی وانەبێژان، هەروەها زۆر بێـباکە لەئاست ئەرک و ڕەنجکێشانی مامۆستایان و سەرجەم سیستمی پەروەردە و خوێندنی گشتیدا، نەک هەر ئەوەش بەڵکو دەیەوێت بەر بە شەپۆلی فراوانی خۆپیشاندانەکان بگرێت لە ڕێگای فشار خستنەسەر بەڕێوەبەرەکان و هەڕەشەی دەرکردن لەسەر کاری مامۆستایان و زەبروزەنگ بەرامبەر خۆپێشاندەران.
لەم ڕاستایەدا لە خۆپێشاندانی ئەمڕۆی شاری سلێمانیدا، مامۆستا (ئەبوبەکر) دانشتوی هەڵەبجە و (خالد مەجید) هەڵسوڕاوی ناڕەزایەتیـیەکان و (نەوزاد بابان) ئەندامی دەستەی نوسەرانی ڕۆژنامەی (ڕەوت) بۆ ماوەی سێ (٣) سەعات لەلایەن (ئاسایش)ەوە دەستبەسەر دەکرێن و دواتر ئازاد دەکرێن.
ئێمە ئەم سەرکوتگەریـیە بە توندی سەکۆنە دەکەین کە پێشێلکردنێکی ئاشکرای مافی خۆپێشاندان و مانگرتن و بایکۆتی هاوڵاتیـیانە. ئەم حکومەت و دەسەڵاتە بەرپرسیارە لە بەردەوامیی پرۆسەی خوێندن و ڕێزگرتن لە شکۆی ئینسانی مامۆستایان و موچەخۆران، بۆی نیـیە خۆی لە وەڵامی ئەم داواکاریـیانە بدزێتەوە، دەبێ دەستبەجێ جێبەجێـیان بکات.
دەستەی بەڕێوەبەری ڕۆژنامەی (ڕەوت).
٣-١٢-٢٠٢٣
