کۆچی دوایی کرێکاری کۆمۆنیستی خەباتکار سالار جەبار

بەداخ و پەژارەیەکی زۆرەوە هەواڵی کۆچی دوایی هاوڕێ سالار جەبار، ناسراو بە (سالاری ئاسنگەر)مان پێگەیشت کە سەرلەبەیانی ئەمڕۆ (٢٣-٥-٢٠٢١) لە سلمانی کۆچی داویی کرد.

هاوڕێ سالار چالاکوانێکی کۆمۆنیستی ماندوونەناس و ناسراوبوو، هەر لە لاوێتیەوە خەباتکارێکی ڕێگەی ئازادی و یەکسانی ئینسانەکان بوو. ئەندامی ڕێکخراوە و ئەڵقە کۆمۆنیست و چەپەکانی کوردستانی عێڕاق بوو، کە لە چوارچێوەیاندا درێژەی بە خەباتی خۆیداوە دژ بە ڕژێمی بەعس. چالاکانە بەشداری ئەو بزوتنەوە شۆراییەی کردوە کە بەدوای ڕوداوەکانی ئازاری (١٩٩١)دا سەری هەڵدا. ئەندامی حزبی کۆمۆنیستی کرێکاری بوو لە کوردستان.

هاوڕێ سالار بەدرێژایی چەندین ساڵ تا ماڵئاواییەکەی لە ژیان چستوچالاک بووە لە خەبات و تێکۆشانی جەماوەری کرێکار و زەحمەتکێش و بێبەشان لە پێناو بەدەستهێنانی مافەکانیان و باشکردنی ئاستی گوزەرانیان، هەروەها بەشداری خەباتی جەماوەریانەی کردوە دژ بەدەسەڵاتداران و گەندەڵیەکانیان، دژ بە سەرکوتیان بۆ ئازادیە سیاسی و مەدەنی و فەردیەکان، بەمەش و بە خەباتی لە پێناو ئازادی و یەکسانی ئینسانەکان جێگەوڕێگەیەکی خۆشەویستانەی لەناو چەپ و بزوتنەوەی کرێکاری بەدەستهێنا بوو.

لەدەستدانی هاوڕێ سالار خەسارەتێکی گەورە بوو بۆ بزوتنەوەی کۆمۆنیستی و کرێکاری لە کوردستان و گشت عێڕاق. لە دڵەوە سەرەخۆشی خۆمان ئاڕاستە دەکەین  بۆ هاوسەر و مناڵەکانی و ئەندامانی خێزانەکەی و برادەران و هاوڕێیانی لە بزوتنەوەی کۆمۆنیستی و بەشداری خەموپەژارەیانین.

یادی هاوڕێ سالار و خەباتەکەی لە دڵی ئێمەدا بەزیندویی دەمێنێتەوە

ڕێکخراوی بەدیلی کۆمۆنیستی لە عێراق

٢٣-٥-٢٠٢١

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

سەبارەت بە جیابوونەوەکانی ناو حزبی کۆمۆنیستی ئێران و (کۆمەڵە)

دوای چەند ساڵ کێشمەکێش، جیابوونەوەی دووباڵ لەناو (حزبی کۆمۆنیستی ئێران) و (کۆمەڵە - ڕێکخراوی کوردستان)ی ...

ئەبێ زیندانیانی خۆپیشاندانەکانی (پیرەمەگرون) دەستبەجێ ئازادبکرێن

شەوی سێ شەمە (٤-١-٢٠٢٢) کەناڵە تەلەفزیۆنەکانی سەر بە دەسەڵاتی پارێزگای سلێمانی لە هەرێمی کوردستان، هەژدە ...

ڕاگەیاندن

ئێوارەی پێنج شەممە (٩-١٢-٢٠٢١)، هاوڕێ نەوزاد بابان و چەند ڕاگیراوێکی تر لە زیندانی (ئاسایش)ی سلێمانی ...

راگەياندني ڕۆژنامەگەري – ئەبێ دەستبەجێ هاوڕی نەوازاد بابان و هەموو گیراوەکان ئازاد بکرێن

ماوەی دوو هەفتەیە خۆپيشانداني خوێندكاران لەشارەكاني كوردستان بەردەوامه  و حكومەتي هەرێمي كوردستان هەر خەريكي دەستي ...

دەستپێکێک و دەستکەوتێکی گرنگی خەباتی کرێکاران

  ناڕەزایەتیەکی گەورەی کۆمەڵایەتی لە ناوەوەی کۆمەڵ دا شەپۆل دەداو خۆی بە کەنارو بەربەستەکاندا دەدات. ...

%d مدونون معجبون بهذه: